God Knows All Things

Oga God knows evritin wey evribodi dey do, he know wetin pipol dey think and wetin dey wan do, and he go respond to dem akordinly. Di psalmist deskribed how God take dey evriwhere and evri place. He tok say, “My God, Yu shek my heart well-well and Yu know evritin about mi. Yu know wen I sidan or wen I stand up. Yu know wetin I dey tink even wen I dey far from Yu. Yu dey si mi wen I dey travel and wen I dey rest for house. Yu know evritin wey I dey do. My God, Yu know wetin I won tok even before I tok am.” (Psalm 139:1-4).

LESSON

Anybodi wey think say hin fit hide from God presence dey joke. No bodi fit hide from God, since he dey evriwhere, and he know evritin. In fact, God’s eyes dey see well-well for place wey dark, and hin presence dey evriwhere wey no human beings fit survive. Since God get pawa, all pipol most to dey fear and obey am. Evrione most to dey kareful of di eyes of God wey dey watch dem before dey do anitin. (God go judge and rewod all tins – whether na good or bad!)

PRAYER

Dear God, I know say yu dey see and know evritin, and yu go judge all tins. Abeg help me to dey satisfy yu wit wetin I dey think and anitin wey I dey do, so I no go sin against yu. Con give me grace to dey satisfy yu wit wetin I dey think and anitin wey I dey do, so I go prospa for di land of di living. Na for Oga Jesus Christ name I beg all dis. Amen.