Di Gospel No Fit Be Hindered

Di bible tok am how anti-gospel pipu kill Kristenity wit an intention say dem go silence di belivas. Howeva, di pipu wey dey kill di Kristens lost dea battle and di belivas win! Evri effot wey di enemis use against Kristenity dey later help dem. Persekutions help di belivas grow stronger. An example of persekution experience wey turn to spread di gospel dey reported say, “But Saul try to distroy di church; e dey go from house to house dey arrest men and women put fo prison.  So di pipu wey skata kon dey go from place to place dey prish di gospel. Filip travel go Samaria main town kon dey prish about di Mezaya give dem. Di pipu wey gada, put dea mind fo wetin Filip dey tok, bikos dem don hear and si all di mirakles wey e do. Wiked spirit dey shaut and dey komot from pipol body as dem hear God word and God heal many pipu wey nor fit waka.  So all di pipu wey dey di town kon dey happy well-well, bikos of wetin dey happen.” (Acts 8:3-8).

LESSON

The gospel of Oga Jesus Krist no fit dey stop bekos na movement wey God kreate to safe pipu from dea sins. Any oppositions wey dey against di spreading of di gospel go only help spread am well-well. Since, di Holy Spirit dey inside God evangelist, he help dem to survive onda stressful situesans. Dea God given anointing no fit dey just laidat, dey must preach di gospel. (Di evangelist be God instrument wey specially dey fo preaching di gospel and bring pipu to di kindom of God).

PRAYER

Oga Jesus Krist, I receive your grace and anointing to preach di gospel by faith. Kon give me pawa through your Holy Spirit to preach gospel and expand your kindom. Let Satan effot wey he wan use vex my evangelistic mission fail. Let oppositions wey dey against my gospel services vex. Let your Holy Spirit give me pawa to preach your gospel on di land; in di sea, and on di air. Let me prospa wit your gospel all ova di world. Na fo Oga Jesus Krist name I beg all dis. Amen.